Pogradec, 29 qershor 2011, NOA Update – Vrasësi i 35-vjeçares në një hotel në të dalë të Pogradecit është arrestuar nga policia.
Ai është Halim Hykellari, rreth të 60-ve.
Hykellari, akuzohet për vrasjen e Mirela Spahiut, nënë e dy fëmijëve dhe e divorcuar.
Sipas policisë ishte pastruesja e hotelit, e cila e gjeti gruan 35-vjeçare të masakruar në dhomën e hotelit.
Policia bën me dije se Mirela Spahiu është goditur për vdekje në kokë nga Halim Hykellari, me të cilin ajo kishte kaluar natën në hotel.
Ngjarja e rëndë ndodhi në orët e para të mëngjesit të sotëm.
Autori i krimit Halim Hykellari pas vrasjes së 35-vjeçares është larguar nga hoteli, por nuk ka mundur t’i shpëtojë për shumë policisë, e cila e ka prangosur në pak orë.
mit/NOA
