E enjte, 30 qershor 2011, NOA- Portali Wikiliks ka publikuar dokumente të reja që kanë të bëjnë me zhvillimet politike të vitit të kaluar dhe qëndrimet e partisë shqiptare BDI.
Në një nga dokumentet e publikuara theksohet se më 26 tetor dhe 1 janar të vitit të kaluar, Ahmeti kishte planifikuar bojkotimin e zgjedhjeve dhe se për këtë ishte dakorduar edhe me liderin e LSDM-së, Branko Cervenkovski.
Ahmeti kishte informuar në një bisedë ambasadorin amerikan Filip Riker se ishte dakorduar me Cervenkovskin për bojkotimin e zgjedhjeve dhe se ishte informuar për paktin që Cervenkovski kishte arritur me pronarin e televizionit A1, Velija Ramkovski për mbështetjen mediale në përgjithësi, por edhe për zgjedhjet.
Ahmeti në dokument theksohet se me ambasadorin Riker ka folur edhe për kontestin e emrit. Siç bëhet e ditur, Riker është njoftuar për gatishmërinë e Gruevskit për zgjidhjen e çështjes së emrit, nëpërmjet referendumit, mirëpo Ahmeti ka deklaruar se partia e tij është kundër referendumit për emrin. Ahmeti i ka thënë Rikerit se nuk i besonte Gruevskit se do të dakordohej për miratimin e një rezolute të re për emrin, pa e kaluar çështjen për sprovë nëpërmjet referendumit.
Në dokumentet e publikuara nga Wikiliks, zbardhen detaje të bisedave të Ahmetit me Rikerin për çështjen e Sopotit dhe hetimet e grupit parlamentar që vendosin përsëritjen e këtij rasti si dhe për çështjen e zgjidhjes së statusit për UÇK-në.
(INA)/NOA
