Paris, 1 korrik 2011 NOA - Alen Delon është në gjendje shoku. Djali i tij 17 vjeçar, Alen – Fabien, i lindur nga marrëdhënia e aktorit me top modelen Rozali Van Bremen, është përfshirë në një tragjedi. Një vajzë 14 vjeçare është plagosur rëndë pas goditjes me armë zjarri, gjatë një festë të organizuar nga i riu në shtëpinë e babait të tij në Gjenevë. Sipas gazetës franceze “ Le Matin”, Alen Fabien është autori i krimit, ndërsa mediat e Gjenevës fajësojnë një djalë tjetër. Aktori Alen Delon, i cili ndodhej në Paris në momentin e tragjedisë është nisur me urgjencë drejt Gjenevës.
a.q/NOA
