Tiranë, 2 korrik 2011, NOA- (Update) Pas paraqitjes së fakteve për manipulimin e zgjedhjeve në Asamblenë Kombëtare, deputeti socialist Damian Gjiknuri u shpreh se pas këtyre manipulimeve të konstatuara e vetmja rrugë është përsëritja e zgjedhjeve.
Gjiknuri deklaroi se, për aq kohë sa KQZ nuk shpjegon dhe nuk jep prova për gabimin njerëzor që pretendohet për mosrakordimin e fletëve të votimit atëherë ky argument nuk qëndron.
Sipas Gjiknurit edhe në Kodin Zgjedhor përcaktohet qartë se numri i fletëve të votimit të gjetura në kuti duhet të jetë i njëjtë me numrin e votuesve.
“Kur ka mospërputhje shifrash atëherë duhet të bëhet numërim total i tyre, dhe kur ky numërim të nxjerr në moskordinim shifrash atëherë përsëriten zgjedhjet, kështu e tregon dhe eksperienca botërore”, u shpreh Gjiknuri.
a.y/NOA
