Vilinus, 2 korrik 2011, NOA- Presidentja e Kosovës Atifete Jahjaga gjatë ditës së djeshme është takuar me Përfaqësuesen e Lartë e Bashkimit Europian për Politikë të Jashtme dhe Siguri, Kathrin Ashton, me të cilën diskutoi për një varg çështjesh me rëndësi.
Në këtë takimin ishte i pranishëm edhe ministri i Punëve të Jashtme i Republikës së Kosovës, Enver Hoxhaj.
Në vijim Jahjaga takoi gjithashtu kryetaren e Kuvendit të Letonisë, Salvita Aboltina. Në një bisedë të gjatë dhe miqësore, Presidentja Jahjaga dhe kryetarja Aboltina diskutuan për bashkëpunimin mes të dy vendeve tona dhe për intensifikimin dhe zgjerimin e këtij bashkëpunimi në të ardhmen
Gjithashtu, Presidentja Jahjaga, në valën e konferencës, u takua me presidentin e Mongolisë, Elbegdorj Tsakhia, me të cilin gjithashtu diskutoi për një varg temash me interes.
Gjithë këto takime të Presidentes së Kosovës, Atifete Jahjaga, u zhvilluan pasi ajo po merr pjesë në konferencën “Gratë përforcojnë demokracinë: praktikat më të mira”, në Vilnius të Lituanisë.
a.y/NOA
