Tiranë, 4 korrik, NOA Update - Caush Isaraj nga fshati Picar i Gjirokastrës, rreth 60 vjeç është personi që ka hipur në një prej shtyllave të tensionit të lartë në zonën e “Don Boskos” dhe kërcënon me vetëvrasje. Saliaj pretendon se i është marrë padrejtësisht prona në Gjirokastër dhe kërkon reagimin e autoriteteve shqiptare. Saliaj ka hedhur nga shtylla një dosje me dokumentet e pronave. Ndërkohë që po negocion me drejtuesit e policisë së Tiranë dhe me familjarët. Negociatat bëhen me anë të një telefoni celular që Caushi ka me vete.
Pas alarmit të banorëve për tentativën e Saliajt, në vendngjarje kanë mbërritur menjëherë punonjës të policisë, zjarrfikës, forca të rendit dhe specialët e Reneas. Gjithashtu është kërkuar dhe nga operatori i shpërndarjes së energjisë që CEZ që të ndërpresë rrymën elektrike në zonën e Don Boskos, me qëllim që Saliaj të mos tentoi të ketë kontakt me kabllot e korentit.
a.k/NOA (vijon...)
