Tiranë, 5 korrik 2011, NOA- Policia e kryeqytetit raporton se është identifikuar autori i dyshuar për vjedhjen e dy lokaleve njëri në muajin maj dhe tjetri në mes të muajit qershor në kryeqytet.
Sipas policisë autori i këtyre vjedhjeve është Ardian Lekaj i moshës 39 vjeçare banues në Tiranë, i cili pas hetimeve të vazhdueshme është vënë nën prangat e policisë, pasi në bazë të materialeve të grumbulluar rezulton si autori i të dyja këtyre vjedhjeve.
Mësohet se Lekaj ishte shpallur në kërkim nga komisariati numër 2 në kryeqytet për konsumim të veprës penale të vjedhjes të një lokali më 26 Maj 2011 si dhe dokumentimin ligjor të një tjetër vjedhje e ndodhur më datë 13 qershor 2011, e ndodhur në rrugën “Muhamet Gjollesha” në Tiranë.
Pas arrestimit të 39 vjeçarit, ndaj tij kanë nisur hetimet për veprën penale të vjedhjes.
a.y/NOA
