Tiranë, 6 korrik 2011, NOA- Në mbledhjen e sotme të qeverisë ashtu siç është bërë traditë është marrë vendim për kompensimin e vlerës së taksës së biznesit të vogël, të përdorur për rimbursimin e pajisjeve fiskale të taksimetrave, për 5 bashki e 10 komuna.
Në total fondi për këtë kompensim kap shifrën 100 896 885 lekëve.
Më poshtë vendimi i marrë gjatë mbledhjes së qeverisë:
Në mbështetje të nenit 100 të Kushtetutës dhe të neneve 13 e 15, të ligjit nr.10 355, datë 2.12.2010, “Për buxhetin e vitit 2011”, me propozimin e ministrit të Financave, Këshilli i Ministrave.
V E N D O S I:
1. Kompensimin e vlerës së taksës së biznesit të vogël, të përdorur për rimbursimin e vlerës së pajisjeve fiskale e të taksimetrave, për njësitë e qeverisjes vendore, konkretisht, 5 (pesë) bashki dhe 10 (dhjetë) komuna, sipas lidhjes nr.1, që i bashkëlidhet këtij vendimi dhe është pjesë përbërëse e tij.
2. Fondi, në vlerën 100 896 885 (njëqind milionë e tetëqind e nëntëdhjetë e gjashtë mijë e tetëqind e tetëdhjetë e pesë) lekë, të përballohet nga Fondi i Kontigjencës, i miratuar në buxhetin e vitit 2011.
3. Ngarkohen Ministria e Financave dhe njësitë e qeverisjes vendore për zbatimin e këtij vendimi.
a.y/NOA
