Tiranë, 7 korrik 2011 NOA- 7 persona në kërkim kanë përfunduar në prangat e policisë gjatë 24 orëve të fundit në Tiranë.
Sipas deklaratës zyrtare të policisë së Tiranës, të mërkurën në mbrëmje u bë ndalimi i shtetasit në kërkim Rudi Vladi, 23 vjeç, banues në Tiranë, i dënuar me 3 vjet e 4 muaj burgim, pasi gjykata e ka dënuar me 3 vjet burgim për konsumim të veprës penale të prodhimit dhe shitjes së lëndëve narkotike.
Po ashtu, dje në mesditë u bë kapja dhe ndalimi i shtetasit në kërkim Fitim Dumani, 22 vjeç, lindur në Dibër dhe banues në Durrës, i dënuar për dezertim.
Në pranga ka përfunduar edhe Erion Pere, 18 vjeç, lindur dhe banues në Tiranë, i shpallur në kërkim, pasi prokuroria ka dërguar urdhërin për ekzekutimin e vendimit të Gjykatës Rrethit Gjyqësorë Tiranë, e cila e ka dënuar me 2 vjet e 6 muaj burg, për veprën penale të “Prodhimit dhe shitjes së lëndëve narkotike”.
Dje, u bë ndalimi i shtetases në kerkim Rovena Fejza, 20 vjeç, lindur dhe banuese në Kavajë, pasi gjykata e ka dënuar me 20 ditë burg, për veprën penale të “Prostitucionit”.
Po dje, u bë ndalimi i shtetases në kerkim Beslinda Halil Lile, 21 vjec, lindur dhe banuese në fshatin Babic, Vlorë, pasi gjykata e ka dënuar me 1 muaj e 3 ditë burg.
a.q/NOA
