Bulqizë, 9 korrik 2011, NOA- Minatorët e Bulqizës kanë hyrë në ditën e gjashtë të grevës së tyre.
Ka qenë dita e hënë, koha kur 700 punëtorë të kësaj miniere, por edhe nga minierat e qyteteve të tjera kanë deklaruar se nuk do të rikthehen në punë pa u plotësuar më parë kushtet e tyre. Mësohet se ndër pikat kryesore të kërkesave të tyre janë, ulja e moshës së pensionit dhe më shumë siguri në punë.
Gjatë ditës së djeshme ata u takuan edhe me zëvendës ministrin e ekonomisë Neritan Alibali dhe përfaqësues të sektorit minerar, por gjithsesi duket se nuk kanë arritur një marrëveshje.
Prej tyre është lajmëruar se do të nisë greva e urisë në rast se do të vijojë neglizhimi dhe mospërfillja e kërkesave të tyre.
a.y/NOA
