SHBA, 9 Korrik NOA - Ka mbërritur një lajm i “ëmbël” i cili duhet thënë është disi i pabesueshëm, por që mund t’i lumturojë të gjithë.
Me sa duket fëmijët që janë ushqyer me ëmbëlsira dhe çokollata që të vegjël kanë më pak mundësinë për të qenë të shëndetshëm kur të rriten se sa fëmijët e tjerë që nuk kanë praktikuar diçka të tillë.
Ky zbulim duhet thënë se përbën një lajm sensacional për të gjithë ata persona që janë të pasionuar pas ëmbëlsirave dhe në përgjithësi me ushqimet që kanë bazë sheqerin. Rezultati ka dalë si rrjedhojë e një studimi të kryer nga Louisiana State University në SHBA, i drejtuar nga doktoresha Carol O’Neil dhe i publikuar në revistën “Food and Nutrition Research”.
Studimi u krye mbi bazën e 11 mijë fëmijëve nga mosha 2 deri në 18 vjeç nga viti 1994 deri në 2004.
Gjatë kësaj kohe u verifikua që të gjithë ata që janë ushqyer me çokollata dhe ëmbëlsira rregullisht kishin një probabilitet 22% më të ulët për të qenë mbipeshë kundrejt të tjerëve kur të rriteshin.
r.b/NOA
