Juba, 9 korrik 2011, NOA – “Pas luftës ka një agim të ri”. Kështu u shpreh sot Presidenti amerikan Barack Obama gjatë deklaratës përshëndetëse kushtuar shpalljes së pavarësisë së Sudanit Jugor nga ai i Veriut.
Përmes një deklarate shefi i “Shtëpisë së Bardhë” e cilësoi ndarjen si arritje historike për Sudanin.
Pavarësia e Sudanit të Jugut u njoh edhe nga Bashkimi Europian.
Njohja erdhi pasi Sudani Jugor shpalli sot zyrtarisht pavarësinë e tij nga veriu i vendit, duke u shënuar si shteti më i ri i botës.
Dhjetëra mijë banorë morën pjesë në festimet zyrtare për shpalljen e pavarësisë dhe ngritjen e flamurit, në kryeqytetin Juba.
Deklarata e pavarësisë u lexua nga presidenti i parlamentit para dhjetëra mijë qytetarëve dhe të ftuarve nga vende të tjera të botës.
Në ceremoninë e shpalljes së pavarësisë morën pjesë edhe Sekretari i Përgjithshëm i OKB-së, Ban Ki Moon si dhe presidenti i Sudanit, Omar Hussein al- Bashir, kundër të cilit është lëshuar një urdhër-arresti ndërkombëtar.
Qytetarët e Sudanit Jugor, votuan pro ndarjes nga veriu i vendit gjatë referendumit popullor të mbajtur në muajin qershor.
Të dy vendet, Sudani Jugor dhe ai Sudani i Veriut janë ende në konflikt për kufirin si dhe ndarjen e burimeve të naftës.
mit/NOA
