Bruksel, 11 korrik, NOA - Krerët e Bashkimit Evropian dhe Bankës Qendrore Evropiane do të takohen sot në Bruksel për të shqyrtuar lëvizjet e fundit negative në tregjet financiare. Këshillimet jozyrtare mbahen në prag të takimit të ministrave të financave. Një zëdhënës i Komisionit të BE-së thotë se fjala nuk është për një "takim krize", por tregjet janë shqetësuar për shkak të lajmeve jo të mira nga Italia.
Aksionarët kanë frikë se ky mund të jetë vendi i radhës që do të përfshihet nga kriza e thellë financiare. Një zëdhënës i kryeministrit Silvio Berlusconi tha se ata do të përpiqen të dëshmojnë se reagimet e tregjeve janë të përshpejtuara.
Ndërsa mediat raportojnë për mundësinë e ngritjes së shumës në të ashtuquajturën ombrellë të shpëtimit në gjithsej 1,5 bilionë euro.
NOA/DV
