Tiranë, 11 korrik 2011 NOA - Kryeministri Berisha zhvilloi një darkë pune gjatë fundjavës që shkoi me Kryeministrin e Kosovës, zotin Hashim Thaçi.
Siç njofton zyra e shtypit e kryeministrit Berisha, gjatë darkës u diskutua gjerësisht mbi intensifikimin e bashkëpunimit të gjithanshëm midis dy vendeve, Shqipërisë dhe Kosovës.
Në takim, të dy kryeministrat diskutuan edhe për bashkëpunimin rajonal dhe axhendën europiane të dy vendeve, bashkërendimin e përpjekjeve për njohje të reja të shtetit të ri të Kosovës.
Bisedimet u karakterizuan nga fryma e plotë e mirëkuptimit, përfundon deklarata e zyrës së shtypit të kryeministrisë, publikuar edhe në faqen zyrtare të Këshillit të Ministrave.
a.q/NOA
