Fier, 20 korrik 2011, NOA – Një 15-vjeçar me iniciale Xh.V nga qyteti i Fierit është rrëmbyer nga banesa e tij në fshatin Ferras të Fierit dhe është mbajtur peng për dy orë në fshatin Frakull.
Shkak i pengmarrjes së adoleshentit fierak pasditen e të martës ka qenë një borxh i vjetër i dhënë nga njëri prej pengmarrësve, babait të pengut.
Policia e Fierit zbuloi se pengmarrja është kryer nga dy persona.
Blutë e Fierit arrestuan me akuzën e pengmarrjes 24-vjeçarin Kujtim Metaj dhe 27-vjeçarin Erjon Malaj, që të dy banues në fshatin Frakull të Fierit.
Sipas policisë dy personat në bashkëpunim me njërin tjetrin i hoqën lirinë 15-vjeçarit dhe do të ndiqen penalisht nga Prokuroria e Fierit për veprat penale të heqjes së paligjshme të lirisë dhe kundërshtim me dhunë të forcave të policisë.
mit/NOA
