Shkup, 20 korrik 2011, NOA- Në Maqedoni kemi ngecje serioze të proceseve demokratike të cilat reflektohet në disa pika kryesore, konstaton raporti i fundit i Komitetit të Helsinkit.
Sipas KH-së, pushteti në Maqedoni po e frenon lirinë e shprehjes duke ushtruar presion ndaj medieve të cilat me qasje kritike ndaj tyre.
“Janë vërejtur edhe shkelje të të drejtave sociale dhe ekonomike të qytetarëve. Në mënyrë skandaloze po shkelen ligjet dhe Kushtetuta, dhe kjo po ndodh në Parlamentin e Maqedonisë, sepse në mënyrë të paligjshme po intervenohet në Kushtetutë. Kurse shkelje më flagrante të të drejtave të njeriut janë vërejtur tek të ashtuquajturat raste gjyqësore: "Merimanga", “Sopoti”, “Metastaza” si dhe burgosja e Lube Boshkovskit”, thuhet në raport.
Raporti bënë të ditur se gjendja në paraburgim, dy muajt e fundit ishte e barabartë me dënimin.
Kryetari i KH-së, Osman Kadriu deklaroi se institucioni që drejton ai posedon informacione se, trajtimi i personave në paraburgim në raste të caktuara është i kundraligjshëm.
Kemi informacione dhe njohuri të bazuara, se në bazë të disa veprimeve konkrete të cilat ndërmerren nga autoritetet brenda burgut ndaj të burgosurve, kemi shkelje të të drejtave të njeriut, me rast vihet në pikëpyetje shëndeti dhe, në disa raste jeta e këtyre njerëzve, "tha Osman Kadriu," Komiteti i Helsinkit ".
Sipas Komitetit, mënyra e vetme për të penguar shkeljen e të drejtave të njeriut, është zbatimi i procedurës së përgjegjësisë.
Ndërkohë ka pasuar edhe reagimi i partisë më të madhe në pushtet VMRO-DPMNE e cila përmes një komunikate për shtyp ka demantuar pohimet e KH-së.
“Në pesë vjetët e fundit, kjo qeveri jo që nuk ka mbyllur asnjë medium, por përkundër kësaj në atë periudhë janë hapur një numër i madh i medieve elektronike dhe atyre të shtypura. Rasti ‘Merimanga’ nuk është rast politik, por i pastër gjyqësor dhe nëse mediet nga rasti ‘Merimanga’ arrin t’i zbusin borxhet e tyre ndaj shtetit, ata pa pengesa do vazhdojnë me punë,” thuhet në reagimin e VMRO-DPMNE-s.
Nga kjo parti theksojnë se KH po punon për të kënaqur partnerin e tij politik LSDM-në.
(INA)/NOA
