Tiranë, 21 korrik 2011 NOA - Ujësjellësi i Tiranës vijon fushatën kundër lidhjeve të paligjshme në rradhët e konsumatorëve familjarë dhe bizneseve.
Sipas të dhënave zyrtare, shpërndarë mediave nga UKT, vetëm brenda 2 javëve të para të Korrikut janë vendosur 2 200 ujëmatës në territorin që Ujësjellësi mbulon dhe ka realizuar 4 600 prerje tek konsumatorët privatë dhe familjarë.:
2 640 prej tyre janë debitorë familjarë dhe 860 të tjerë janë debitorë privatë.
Ndërkohë që rreth 1 100 konsumatorë kanë refuzuar vendosjen e ujëmatësve, duke u ndëshkuar gjithashtu me prerjen e furnizimit me ujë.
Në deklaratën për shtyp, Ujësjellësi i Tiranës kërkon bashkëpunimin dhe mirëkuptimin e qytetarëve për të mos shpërdoruar ujin e pijshëm, veçanërisht gjatë sezonit të verës, kur edhe burimet ujore pakësohen.
a.q/NOA
