Romë, 23 Korrik 2011 NOA – Një i ri shqiptar është arrestuar nga policia në Itali pasi shihet si autor në vrasjen e një shtetasi vendas, pas grabitjes së dhunshme që iu bë nga një grup personash, mes të cilëve edhe ky që u prangos sot.
Emigranti 28 vjeçar shihet si përgjegjës për vrasjen e Massimiliano Cicolani, i cili më 3 maj të këtij viti u masakrua dhe më pas u plaçkit në periferi të Romës, në vendin e quajtur Centocelle.
Policia nuk publikoi emrin e të dyshuarit, por tha se po kërkon edhe disa të tjerë, të dyshuar se morën pjesë në masakrën ndaj Massimiliano Cicolani.
Shtetasi italian Massimiliano Cicolani, pas plagosjes më 3 maj 2011, ndërroi jetë disa javë më vonë më 17 qershor.
d.g/NOA
