Ersekë, 25 korrik 2011 NOA – Kanë përfunduar në pranga 5 të rinj, të cilët akuzohen për vjedhje të hekurit në minierën e Berzhanit.
Policia konfirmua se pasditen e së djelës u bë i mundur arrestimi në flagrance i shtetasve: Jeton Cuni 22 vjeç, Luan Avdyli 30 vjeç, Dritan Mena 30 vjeç, Ditmir Rata 26 vjeç, Mentor Cuni 26 vjeç, të gjithë banues në Tiranë.
Arrestimi i këtyre shtetasve u bë pasi u kapën në flagrance duke vjedhur hekur në vendin e quajtur karrierë tek miniera e Bezhanit, duke shkatërruar me matrapik betonin për të marrë hekurat për skrap. Në cilësinë e provës u bllokuan matrapiku, kamiocina ford me targa SH 8546 E.
a.q/NOA
