Tiranë, 28 Korrik 2011 NOA/ Arlinda Koçi – Gjumi është një proces i përditshëm që njeriu ka të detyrueshëm të realizojë, të paktën për disa orë. Shumë njerëz ankohen se nuk flejnë mirë. Por disa këshilla për një gjumë pa vuajtje, pse jo, sa më të këndshëm, janë të vlefshme për të gjithë ne.
Ndaj më poshtë ju ftojmë të lexoni me vëmendje, dhjetë këshilla për një gjumë të rehatshëm:
Flini të paktën orët e nevojshme të gjumit
Sipas qendrave për kontrollin e sëmundjeve, më shumë se një e treta e të rriturve amerikanë në mënyrë rutinore flenë më pak se shtatë orë në natë. Përfitimet e një gjumi të rehatshëm fillojnë që nga një gjendje e mirë shëndetësore e zemrës, memorie më të mirë, më pak stres dhe më pak humbje peshe.
Stop ngarkimit të tepërt me kafeinë dhe përdorni këshilla të vlefshme për të ndihmuar për të mbyllur sytë tuaj dhe për të menaxhuar sa më mirë shëndetin tuaj.
Praktikoni një rutinë të përditshme
Kjo mund të duket joshëse, por duke fjetur deri në mesditë të premten, ju mund të ndërprisni orën tuaj biologjike duke shkaktuar kështu më shumë probleme të gjumit. Shkoni në shtrat çdo natë në kohën e duhur, madje edhe në fundjavë, në mënyrë që të mos i shkaktoni probleme shëndetit tuaj.
Stërvituni
Studiuesit kanë raportuar se të rriturit të cilët stërviten të paktën 4 herë në javë, përmirësojnë cilësinë e tyre të gjumit. Simptomat pozitive të stërvitjes janë: më shumë vitalitet dhe më pak përgjumje gjatë ditës. Siguroni që stërvitja juaj të ketë përfunduar pak orë para se ju të shkoni të flini, që të siguroni një gjumë më të mirë.
Ndryshoni dietën tuaj
Mënjanoni ushqimet dhe pijet që përmbajnë kafeinë, kafe, çaj, çokollatë në orët e vona të mbrëmjes. Mundohuni që darka juaj të mbarojë disa orë para se ju të flini dhe mënjanoni ushqimet e rënda dhe pikante që mund t’ju mbajnë zgjuar deri vonë.
Mos konsumoni duhan
Studimet tregojnë se duhanpirësit kanë 4 herë më shumë gjasa që të mos ndihen mirë pas një nate gjumi krahasuar me personat që nuk konsumojnë duhan.
Pirja e duhanit shkakton çrregullime të frymëmarrjes dhe një gjumë jo të qetë.
Mundohuni të mos lexoni, të mos shikoni tv
Një studim i Fondacionit Kombëtar të Shkencës tregon se përdorimi llojeve të elektronikës si: televizioni, kompjuteri, lojërat elektronike apo celularët pak përpara fjetjes është një ide e keqe. Drita stimulon trurin duke e bërë të vështirë për të pushuar për gjumë. Vendosja e tyre në largësi një orë para gjumit do t’ju ndihmojë të flini më qetë.
Bëhuni pak “koprracë”
Një studim ka zbuluar se 53 % e pronarëve të përkëdhelur që flenë me kafshët e tyre, përjetojnë përçarje. Më shumë se 80% e të rriturve që flenë me fëmijët e tyre përjetojnë vështirësi gjatë gjumit të tyre.
Të dy meritojnë hapësirën e tyre për të fjetur, vendosini në vendin e tyre për të mirën e të dyve.
Krijoni një ambient të errët
Drita i tregon trurit tuaj se është koha për tu zgjuar, prandaj krijoni një ambient sa më të errët të mundeni për t’ju zënë gjumi më shpejtë.
Një studim i fundit nga Universiteti Shtetëror në Columbus Ohio ka gjetur se qoftë edhe një dritë sado e vogël e celularit tuaj prish prodhimin e melatoninës dhe gjumit.
Bëjeni shtratin tuaj një “zonë të kufizuar”
Shtrati juaj duhet të përdoret për të fjetur dhe jo për tu ushqyer, për të punuar apo për të parë Tv. Në qoftë se ju zgjoheni gjatë natës, ngrihuni dhe bëni diçka relaksuese: meditoni ose lexoni një libër derisa të ndjeni përgjumje përsëri.
Asnjëherë mos u drejtoni drejt Tv apo kompjuterit.
Mos konsumoni alkool
Alkooli prish modelin e gjumit. Edhe pse Martini mund t’ju ndihmojë të bëni një sy gjumë, studimet tregojnë se ka shumë gjasa që t’ju dalë shumë shpejt gjumi dhe ta keni tepër të vështirë për të fjetur përsëri.
a.k/e.t/NOA
