E mërkurë, 3 gusht 2011, NOA- Një zjarr i fuqishëm ka rënë pak më parë në zonën e Borshit ku si pasojë e tij janë vënë në rrezik banesat përreth.
Sipas të dhënave paraprake zona që është përfshirë nga flakët e zjarrit është identifikuar se “Kalaja e Borshit”, ndërsa nuk bëhen të ditura shkaqet që çuan në rënien e tij.
Gjithsesi nga ana e banorëve të zonës është vënë alarmi pasi prej erës që fryn, zjarri po përhapet me shpejtësi çka ka ngjallur frikën e zgjerimit të mëtejshëm.
Ndërkaq drejt vendngjarjes janë nisur zjarrfikëset e Vlorës dhe ato të Sarandës, të cilat pritet të marrin në kontroll situatën.
a.y/NOA
