Prishtinë, 5 guasht 2011, NOA/Albana Qehajaj - Kryeministri i Kosovës Hashim Thaçi ka bërë të ditur në mbledhjen urgjente të Qeverisë së Kosovës se është arritur marrëveshja për veriun, pas disa takimeve me komandantin e KFOR-it, gjeneralin Erhard Buhler. Ai ka thënë se Qeveria ka arritur pajtimin me KFOR-in për ruajtjen e gjendjes së re të krijuar në pikat 1 dhe 31 që është rezultat i vendimeve të Qeverisë së Kosovës.
Thaçi tha se, vendimet e mëhershme të qeverisë për masat e reciprocitetit dhe futjen nën kontroll të këtyre dy pikave kufitare mbeten në fuqi dhe do të zbatohen plotësisht.
Me parë, disa media kosovare botuan kërkesat e Prishtinës të formuluara në 10 pika: Hapja e bllokadave të rrugëve; Në parim mirëmbajtja e gjendjes së tashme në porta; KFOR-i është përgjegjës për portat; Në parim portat janë të mbyllura për arsye të sigurisë dhe janë zona të kufizuara ushtarake; Ndihma humanitare do të lejohet që të hyjë në Kosovë në makina deri në 3.5 tonë, në pika të caktuara kufitare pas një vlerësimi nga një organ i caktuar i pavarur ndërkombëtar që ekziston nevoja për ndihma humanitare; Mallrat për kishën ortodokse serbe lejohet të kalojnë; Çdo person dhe makinë do të kontrollohet për armatim; Çdo person do të kontrollohet për ID; Treni Beograd- Prishtinë: kontrollohet nga EULEX dhe Policia e Kosovës, si dhe ndihmohet nga KFOR-i; Pikat e paautorizuara kufitare do të mbyllen.
a.q/NOA
