Beograd, 7 gusht 2011, NOA – Vetëm pak minuta më parë në ndërtesën e Presidencës së Serbisë ka nisur takimi i presidentit serb, Boris Tadiç me përfaqësues të serbëve nga veriu i Kosovës.
Në këtë takim po diskutohet për marrëveshjen e arritur me KFOR-in për zgjidhjen e krizës në pikat e kalimit kufitar.
Sipas mediave serbe, në takim janë kryetarët e kuvendeve komunale të paligjshme të katër komunave me shumicë serbe në veri të Kosovës, si dhe dy zyrtarët e qeverisë serbe, si ministri për Kosovën në qeverinë serbe Goran Bogdanoviç dhe kryenegociatori serb në bisedimet me Kosovën Borisllav Stefanoviç.
Koha Ditore/mit/NOA
