Tiranë, 8 gusht 2011, NOA – Operatori i Sistemit të Transmetimit bën me dije se për shkak të punimeve për rehabilitimin e nënstacionit 220 kv Tirana 1, ditën e mërkurë në 10 gusht do të ketë stakime të pjesshme të energjisë elektrike.
Ndërprerja e furnizimit me energji do të bëhet në harkun prej pesë orësh nga ora 08.00-13.00.
Zonat që do të preken nga stakimet e energjisë janë: Rr.Thanas Ziko; Rr. Bardhyl; Rr. 4 Dëshmorët; Rr. 5 Maji (zona e tregut industrial); Rr. Siri Kodra (pjesërisht); në Paskuqan; Komuna Dajt (pjesërisht); TV Klan; Albafilm; Instituti i Shëndetit Publik; Babrru; Tufina si dhe zona e Kodrës së Priftit (pjesërisht).
NOA
