Nxori në rrugë të miturën, ekstradohet 22-vjeçari (FOTOT)

Tiranë, 9 gusht 2011, NOA – Zyra Qendrore Kombëtare Interpol Tirana ka njoftuar se është ekstraduar nga Milano shtetasit shqiptar i shpallur në kërkim ndërkombëtar, Enea Artur Ngresi, vjeç 22, lindur në Fier.

Gjykata e Rrethit Gjyqësor Fier, me vendimin nr.172, datë 17.03.2011, ka caktuar ndaj shtetasit Enea Ngresi, masën e sigurisë “Arrest në burg“, për kryerjen e veprës penale të “Shfrytëzimit të prostitucionit.”

Ngresi akuzohet se më datë 18.02.2011, është nisur në drejtim të Italisë duke marrë me vete nëpërmjet mashtrimit shtetasen shqiptare, F. Sh.

Pas mbërritjes në Itali, ky shtetas e ka detyruar shtetasen e mësipërme që të ushtrojë prostitucion, fillimisht në një lokal, dhe më pas në rrugë.

Shtetasja e F. Sh. ka mundur të largohet pas dy muajsh nga i kërkuari Enea Ngresi, duke u kthyer në Shqipëri.

Si rezultat i bashkëpunimit të Interpol Tirana me Interpol Roma, në qershor të këtij viti, Ngresi është arrestuar në Itali e sot është ekstraduar drejt vendit tonë.

Në aeroportin “Nënë Tereza” në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.

a.q/NOA

• Eri Ire00:20 - 10 Gusht 2011
  keta tipa si ky mostra qe eshte ne foto, ti ncjerresh keta per prostitucjon dhe ta morin vesht se ca eshte, po me kete shtet shkerdhat gjithmon ka per te pas keto gjera.
• Bledari20:45 - 09 Gusht 2011
  Me vjen shum keq,qe nje shtetas shqiptar ka aritur te mare nje Vajze nga shqiperia,per ta shfytzuar ne itali kjo eshte nje veper shum e Rande per te gjith ate qe e ndigjo kete lajm. I lutem gjykats te nap ne maksimum denimin per kete njeri qe ky nuk eshte shqiptare po eshte nje mashtrus qe do pushkatim te menjehershem. Familjes I uroj qendrim sa me forte per kete ndodhi qe jau ka ndodh ai I pacip. Bledar sinani angli.