Sarandë, 9 gusht 2011, NOA – Zjarret vazhdojnë të kërcënojnë sarandën dhe rrethinat e saj. Gjatë orëve të pasdites dy vatra zjarri janë aktivizuar, njëra në veri të qytetit në lagjen “Baba Rexhep” dhe tjetra në fshatin Aliko.
Forcat zjarrfikëse kanë shkuar tashmë në lagjen ‘Baba Rexhep’ dhe po punojnë për shuarjen e flakëve, të cilat po rrezikojnë shtëpitë përreth. Në fshatin Aliko zjarri ka një përhapje të madhe, ku janë djegur deri në këto momente rreth 2 mijë rrënjë ulliri, ndërsa flakët kanë vënë në rrezik banesat dhe kishën e fshatit.
a.q/NOA
