Korçë, 13 gusht 2011, NOA/Albana Qehajaj – Identifikohet gruaja e masakruar e gjetur në vendin e grumbullimit të mbeturinave në fshatin Ravonik në Korçë.
Burime zyrtare nga komisariati i këtij qyteti, bënë të ditur së bëhet fjalë për një femër me origjinë nga qyteti i Devollit, e cila bashkëjetonte prej 5 vitesh me një person në Korçë.
Policia nuk ka publikuar emrin e saj, ndërsa lidhur me këtë ngjarje ka shoqëruar disa persona, mes të cilëve edhe një i moshuar.
Konfirmohet se para pak minutash policia ka rrethuar një banesë në lagjen numër 4, në kaznët e plehrave të së cilës ishte hedhur edhe viktima e gjymtuar. Koka e saj nuk është gjetur ende.
Zbulimi tronditës u bë mbrëmjen e së enjtes rreth orës 23:00 nga punonjësit e sistemimit te mbeturinave te qytetit ne afërsi te fshatit Ravonik. Duke njoftuar policinë, punëtorët e plehrave folën për pjese trupi të shkëputura, e konkretisht gjymtyrë të futura në dy thasë plastikë. Pasi është kryer ekspertimi mjeko-ligjor ka rezultuar se kufoma e seksit femër, ka një gjatësi prej 160-162 cm, me trup të rregullt, racë e bardhë, me moshe 30-35 vjeç, pa shenja te veçanta identifikimi përveçse një dëmtimi te vjetër me përmasa te vogla ne kërcirin e këmbës se djathte. Gjithashtu është e mundshme sipas eksperteve, që kjo shtetase mos ketë kryer asnjë lindje fëmije.
a.q/NOA
