E mërkurë, 17 gusht 2011, NOA- Ministri i Punëve të Jashtme të Kosovës, Enver Hoxhaj, ditën e sotme u nis drejt Stambollit, ku do të marrë pjesë në Takimin Ministerial të Komitetit Ekzekutiv të Organizatës për Kooperim Islamik (OKI).
Ministri Hoxhaj, në këtë konferencë është ftuar nga Ministri i Punëve të Jashtme i Republikës së Turqisë, Ahmet Davutoglu, ku pritet të marrin pjesë 57 ministra të Punëve të Jashtme të shteteve anëtare të OKI-së. Me këtë rast, Ministri Hoxhaj do të zhvilloj takime të shumta me ministra të jashtëm të vendeve islamike, me qëllim të lobimit për përmbylljen e procesit të njohjeve të Republikës së Kosovës. Ministri Hoxhaj, do të zhvillojë një takim të veçantë edhe me Ministrin e Jashtëm të Turqisë, Ahmet Davutoglu, gjatë të cilit do të bisedohet për format konkrete të thellimit të bashkëpunimit të gjithanshëm mes dy shteteve. a.y/NOA
