E enjte, 18 gusht 2011, NOA- Rreth 45% e fëmijëve që jetojnë në prefekturën e Fukushimës paraqesin elementë të radioaktivitetit në gjendrën e tiroides.
Burime nga qeveria bëjnë me dije se niveli i alarmit është i lartë, edhe pse kontaminimi i tiroides rritet duke rrezikuar në krijimin e tumoreve.
Analizat janë studiuar nga një grup ekspertësh të propozuar nga qeveria në 1149 fëmijë nën moshën 15 vjeç, dy javë pas tsunamit të 11 marsit, i cili goditi centralin nuklear të Fukushimës.
44,6% i 1080 rezultateve të testuara paraqesin gjurmë kontaminimi në tiroide, gjendra në të cilin fiksohet jodi radioaktiv.
Sipas studiuesve të këtij rasti, kjo do të thotë që rritet rreziku i krijimit të tumoreve dhe se ky fakt duhet marrë parasysh, ndërsa familjarët e fëmijëve të testuar u njoftuan për këto rezultate vetëm javën e shkuar.
“Pozicioni zyrtar i qeverisë është se asnjëri prej fëmijëve të testuar nuk paraqet nivele të larta të kontaminimit radioaktiv, por gjithsesi rreziku mbetet i lartë”, deklaroi për France Presse një funksionar i qeverisë japoneze.
a.y/NOA
