SHBA, 19 gusht, NOA – E njohur si e dashura e aktorit Leonardo Di Kaprio, modelja Bar Rafaeli ka arritur të shkëlqejë në botën e modës edhe pa emrin e ish-të dashurit. Albumi i ri fotografik që ka nxjerrë është vlerësuar me nota mjaft pozitive nga agjencitë e reklamave. Modelja 26-vjeçare ka hedhur në treg version me veshjet e verës dhe të plazhit për kompaninë “Agua Bendita”, gjë që ka sjellë dhe shtimin e admirueseve.
Modelja shfaqet në mjaft foto provokuese, por dhe me një sharmë klasik të veshjeve të plazhit, që sipas ekspertëve mungonte prej kohësh në fotot vetëm sensuale të modeleve.
Në një intervistë Bar Rafaeli ka thënë se i është dashur të punojë mjaft për të arritur foto cilësore, nga ana artistike. Ndërsa për linjat e trupit, ajo thotë së është në formën e saj ideale.
“Unë nuk e ndjejë nevojën që të jem super e dobët. Por duhet të kujdesesh për vetën. Në qoftë se unë nuk do të isha në industrinë e modës sërish do të kujdesesha për veten dhe për të mbajtur trupin tim në gjendje të mirë”, thotë aktorja.
a.k/NOA
