Pogradec, 23 gusht 2011, NOA- Dy gra pogradecare janë marrë në mbrojtje nga policia e qytetit për shkak të dhunës së pësuar nga ana e bashkëshortëve të tyre.
Mësohet se e para që ka trokitur në dyert e policisë ka qenë 41 vjeçarja me iniciale L.Sh e cila ka paditur të shoqin e saj 47 vjeçar për shkak të dhunës së shkaktuar ndaj saj.
Në denoncimin e bërë, 41 vjeçarja është shprehur se bashkëshorti prej disa kohësh e rreh dhe e fyen në mënyrë sistematike, duke ja bërë jetesën me të, të pamundur.
Ndërkaq po për të njëjtën arsye, një 21 vjeçare me iniciale E.B nga fshati Petrush i Pogradecit, është paraqitur me vula dhe shenja dhune në trup në polici, si rrjedhojë e dhunës së ushtruar nga bashkëshorti i saj 27 vjeçar.
Pas kësaj ndaj dy viktimave, u lëshua urdhri i mbrojtjes ndërsa ndaj dy bashkëshortëve agresor nisi procedimi penal.
a.y/NOA
