Tiranë, 24 gusht 2011, NOA – Pak javë pas marrjes së detyrës së re, Shefi i Shtabit të Përgjithshëm i Forcave të Armatosura të RSH-së, Gjeneral Brigade Xhemal Gjunkshi priti në një takim kortezie Ambasadorin e SHBA-ve, Alexandër Arvizu.
Ambasadori Amerikan vuri theksin në detyrat sakrificat dhe përgjegjësitë e ushtarakëve, sakrificat e familjeve ushtarake për të lehtësuar detyrat e tyre dhe të bashkëshortëve të tyre. Ai vlerësoi maksimalisht kontributin e trupave tona në misionet e paqes.
Gjeneral Gjunkshi nënvizoi se prioritet momentalisht janë strukturat e Forcave Speciale, të cilat kanë shërbyer në misione luftarake jashtë vendit, Kontigjenti i OMLT-së, i cili vazhdon aktualisht detyrën në mision në Afganistan dhe përgatitja e kontigjentit të dytë që do të zëvëndësojë atë, duke cilësuar se e gjithë kjo është arritur falë mbështetjes dhe bashkëpunimit të ngushtë me SHBA-në.
a.q/NOA
