Tiranë, 24 gusht, NOA - Pas 15 vitesh drejtësia shqiptare ka mundur të sjellë në Shqipëri për të vuajtur dënimin autorin e një vrasje të ndodhur në qytetin e Fierit. Policia shqiptare, në bashkëpunim me policinë italiane dhe degët respektive të Interpolit të dy vendeve kanë bërë të mundur arrestimin e 33-vjeçarit Edmond Dalip Panori lindur në Fier.
Në nëntor të vitit 1996, Panaori pas një grindjeje në qendër të fshatit Mbers, Fier, ka vrarë me thikë, Gazmend Selimin.
Për këtë ngjarje, Gjykata e Rrethit Gjyqësor Fier, me vendimin Nr. 229, datë 20.10.1999, e ka dënuar Edmond Panaorin, me 16 vjet burg, për kryerjen e veprës penale të “Vrasje me dashje“ parashikuar nga neni 76 i Kodit Penal.
Pas shkëmbimit të informacioneve mes Interpol Tiranës dhe Interpol Romës, më datë 09.01.2011, në Romë, u bë i mundur arrestimi i këtij shtetasi me qëllim ekstradimi drejt vendit tonë.
Dje Panaori është dorëzuar nga autoritet italiane në aeroportin “Nënë Tereza”.
a.k/NOA
