Tepelenë, 25 gusht 2011, NOA/ Arjola Ymeraj- Dy vëllezër nga fshati Salari e Tepelenës kanë humbur jetën pasditen e sotme pasi i ka zënë korrenti teksa kanë qenë duke nxjerrë ujë me gjenerator për t'u dhënë bagëtive.
Ngjarja ka ndodhur në afërsi të fshatit Salari të Tepelenës në malin e Këndrevicës, ku dy vëllezërit Njazi Gogo 40 vjeç dhe Xhevit Gogo 35 vjeç i ka zënë korrenti njëri pas tjetrit.
Fillimisht vëllai i madh ka qenë pranë ujit në pritje të daljes së tij, por papritur e ka zënë korrenti duke humbur ekuilibrin dhe përfunduar brenda tij.
I vëllai Xhevit ka tentuar ti vijë në ndihmë të vëllait, por edhe këtë të fundit e ka zënë korrenti duke bërë që të dy të humbin jetën në moment.
Sipas të dhënave paraprake thuhet se kjo ngjarje ka ndodhur pasi gjeneratori bëri masë në momentin e ndezjes, duke shuar kështu jetën e dy vëllezërve nga Tepelena.
a.y/NOA
