Rahovec, 27 gusht 2011, NOA- Një burrë nga Kosova ka trokitur në dyert e policisë për të kërkuar ndihmë dhe për të denoncuar grabitjen dhe kërcënimin e pësuar.
Burime zyrtare nga policia e Kosovës bëjnë me dije se, viktima e këtij rasti ka denoncuar se ndërsa ka qenë duke ecur me makinën e tij në Rahovec, është ndaluar nga disa persona të maskuar të cilët se pari nga viktima kanë kërkuar ti siguroj shumën prej 100.000 euro ose në të kundërt do ti rrëmbejnë djalin.
Pas kësaj agresorët i kanë marrë portofolin dhe duke i marrë me forcë 300 euro.
Sipas viktimës autorët e kësaj ngjarje janë larguar me një automjet Golf IV pa targa në drejtim të paditur.
Sakaq nga ana e policisë nisi puna për identifikimin dhe kapjen e autorëve.
a.y/NOA
