Tripoli, 29 gusht 2011, NOA- Organizata UNICEF në një komunikatë të lëshuar ditën e sotme për situatën në Libi, pas trazirave të ditëve të fundit për rrëzimin e regjimit të Muammar Geddaf, është shprehur se kryeqyteti i vendit Tripoli, rrezikon të përfshihet nga epidemitë, duke shtuar se ky rrezik rritet ditë pas dite.
Ndërkaq deri më tani UNICEF ka shpërndarë 23 mijë shishe ujë në ndihmë të banorëve, duke njoftuar se ndihmat do shtohen në vijim.
Mësohet se po për situatën në Libi, më 1 shtator në Paris do të zhvillohet samiti “Miqtë e Libisë” ku deri tani është konfirmuar pjesëmarrja e Francës, Italisë, Kinës, Rusisë, Tunizisë dhe një sërë vendesh të tjera, ku pritet të diskutohet për të ardhmen e vendit.
a.y/NOA
