Milano, 31 Gusht NOA - Ka nisur aventura e Forlan tek skuadra e Inter.
Uruguaiani ka zbarkuar në Milano në orën 22:00 të ditës së hënë.
“Jam shumë i gëzuar që ndodhem këtu dhe falënderoj presidentin Moratti. Interi është një klub tepër i rëndësishëm dhe me lojtar të mëdhenj. Kam folur me Cambiasso dhe Milito. Shpresoj të luaj sa më mirë dhe të shënoj sa më shumë”, - këto ishin fjalët e para të sulmuesit më të ri të zikaltërve.
“Është lojtari i duhur për ne”, - deklaroi Moratti, i cili ka shtuar: “Nuk besoj se Palacio do të vijë. Me Forlan dhe Poli merkato është mbyllur”.
r.b/NOA
