E premte, 2 shtator 2011, NOA- Një 34 vjeçar nga Kosova, i shpallur në kërkim ndërkombëtar është kapur ditën e sotme në pikën e kalimit kufitar, në Morinë.
Afrim Gashi nga Prishtina, i ishte fshehur drejtësisë, pasi ndaj tij ishte lëshuar një urdhër arresti nga autoritetet në Madrid të Spanjës.
Burime zyrtare nga policia bëjnë me dije, se kapja e tij u bë në orët e para të mëngjesit të sotëm gjatë kryerjes së procedurave në hyrje të këtij shtetasi, i cili udhëtonte me makinë nga Kosova në drejtim të Tiranës.
Sakaq gjatë kontrollit në sistemin e Interpolit, Gashi ka rezultuar i shpallur në kërkim ndërkombëtar, dhe më pas ndaj tij u mor masa e arrestit, me qëllim ekstradimin drejt Spanjës.
a.y/NOA
