E shtunë, 3 shtator 2011, NOA/ Arjola Ymeraj- Një aksident me pasojë vdekjen ka ndodhur pak minuta më parë në autostradën Lezhë- Shkodër.
Sipas të dhënave paraprake thuhet se ngjarja ka ndodhur në afërsi të fshatit Balldre dhe se viktima e seksit femër është e moshës 51 vjeçare dhe është identifikuar si Prena Lleshi.
Sipas policisë së Lezhës thuhet se viktima ka qenë duke kaluar rrugën në kohën që është përplasur nga një makinë e cila ka qenë duke ecur me shpejtësi të madhe.
Pas kësaj nga ana e uniformave blu, është ndaluar edhe autori i aksidentit i cili e ka shoqëruar vetë viktimën për në spital duke u justifikuar se nuk e kishte parë.
Ndërkaq policia ka mbërritur në vendngjarje për të zbardhur rrethanat dhe shkaqet e aksidentit.
a.y/NOA
