Korçë, 3 shtator, NOA – Policia e Korçës ka arritur të vërë në pranga të dyshuarin si autor i një tentative për vjedhje të një lokali. Sipas policisë, Bledar Seiti 31 vjeç, banues në lagjen Nr.14 në Korçë, ka tentuar të grabisë restorantin “Admiral”, në lagjen Nr. 6 në Korçë.
31-vjeçari ka shkuar në afërsi të lokalit mesnatën e datës 1 shtator dhe ka tentuar të hyjë në ambientet e brendshme.
Në këto momente është pikasur nga roja dhe tentativa e tij ka dështuar. Pas hetimeve dhe marrjes së dëshmive, policia e ka identifikuar dhe ka bërë shoqërimin për të nisur procedurën penale. Ai akuzohet për “vjedhje të mbetur në tentative”.
a.k/NOA
