Surrey, 6 Shtator NOA - Bota e thashethemeve mbi çiftin Angelina Jolie dhe Brad Pitt krahas të qenit gjithmonë e bollshme është dhe tepër kontradiktore: fillimisht flitet për një martesë të menjëhershme, më pas dëgjohet se bukuroshja Lara Croft ka dëbuar nga shtëpia e saj aktorin.
Gjithçka ka qenë për faj të Lara Marsden, asistentja e re e Pitt në setin e xhirimeve të “World War Z”.
Një thashetheme që ka nisur gjatë kësaj vere që ditët e fundit ka arritur kulmin me ndarjen e çiftit.
Megjithatë çifti është fotografuar gjatë kësaj fundjave në Surrey në shoqëri të fëmijëve.
Janë fotografi që duhet thënë se hedhin poshtë thashethemet e një lamtumire të mundshme.
Angelina dhe Brad janë shfaqur si gjithmonë të qetë: ajo shumë e bukur me kanotierë dhe pantallona të zeza, ndërsa ai i veshur me bezhë.
r.b/NOA
