Sarajevë, 8 Shtator NOA - Penelope Cruz ka mbërritur në Sarajevë, vend në të cilin do të nisin xhirimet e filmit “Ardhje në Botë”, një pjesë e re e Sergio Castellitto.
Filmi është bazuar në romanin me të njëjtin emër të Margaret Mazzantini, bashkëshorte e aktorit-regjisor me origjinë italiane.
Lajmi është publikuar nga edicioni online i të së përditshmes Dnevni avaz.
Penelope Cruz do të jetë protagoniste e filmit, i cili është bazuar në këtë bestseller, të publikuar në 2008.
Xhirimet me sa bëhet e ditur do të nisin me 12 shtator.
r.b/NOA
