Një shtetas britanik është vrarë, ndërsa një tjetër është rrëmbyer në Kenia. Çifti i martuar u sulmua në një qendër turistike në ishullin Lamu-afër kufirit me Somalinë. Për shkak të këtij sulmi, zyra britanike për Punë të Jashtme këshilloi britanikët të shmangin udhëtimet në zonat 30 kilometra afër kufirit me Somalinë. Burimet brenda policisë në Kenia citohen nga RFE, të kenë thënë se grupi radikal Al Shabab, i cili kontrollon disa pjesë të Somalisë, ka gjasa të jetë i përfshirë në këtë ngjarje. Policia keniane tha se ka qenë në gjendje gatishmërie në shumë zona të vendit për shkak të përvjetorit të dhjetë të sulmeve terroriste në Shtetet e Bashkuara të Amerikës.
