Tiranë, 13 Shtator 2011 NOA Update – Vetëdorëzohet në Komisariatin e Policisë nr 4 të Tiranës, autori i dyshuar i vrasjes që ndodhi para disa minutash në lagjen periferike të Shkozës. Burime zyrtare nga drejtoria e Policisë së kryeqytetit i konfirmuan agjencisë NOA se Haki Korreshi, 45 vjeç, me banim në lagjen “Shkozë” të Tiranës, u dorëzua pas krimit që dyshohet se kreu ndaj bashkëshortes. Vrasja brenda familjes ndodhi kur 45-vjeçari Haki Korreshi qëlloi me thikë gruan e tij Servete Korreshi, 35 vjeçe, duke i marrë jetën në vend. Burime policore i thanë agjencisë NOA se krimi u krye me thikë dhe dyshimet e para janë motivet e xhelozisë së bashkëshortit për të shoqen. e.t/NOA
