Tiranë, 15 shtator 2011, NOA – 100 kryetarët e rinj të komunave në vend, të zgjedhur më 8 Maj, u mblodhën sot në Tiranë. “Zgjedhjet treguan se besimi I komunitetit çoi në rizgjedhjen e shumë kryetarëve, ndërkohë që komuniteti çoi në moszgjidhjen e të tjerëve për shkak se nuk justifikuan besimin e zgjedhësve”, theksoi Sabri Sollaku, kryetari i kësaj shoqate. Zëvendësministri i Brendshëm, z.Ferdinand Poni tha se, qeveria ishte e vendosur të bashkëpunonte ngushtë me të gjithë përfaqësuesit e komunave të Shqipërisë, pa u kushtëzuar nga ngjyrimet politike. Ai theksoi se qeveria do të jepte kontributin e saj për përmirësimin e infrastrukturës në komuna dhe ngushtimin e diferencës infrastrukturore mes komunave dhe bashkive në vend, nëpërmjet unifikimit të shërbimeve. Shoqata e Komunave të Shqipërisë (ShKSh), është themeluar në Gusht 1997 me synimin për të krijuar një zë të përbashkët për të përfaqësuar, mbrojtur dhe mbështetur qeveritë komunare (308 komuna janë anëtare te shoqatës) dhe për të influencuar në favor të tyre procesin e decentralizmit në përputhje me Kartën Evropian të Autonomisë Lokale, Kushtetutën dhe ligjet e Republikës së Shqipërisë. a.q/NOA
