Vlorë, 16 shtator, NOA – Qytetarët e Vlorës kanë dalë sot në një protestë paqësore për vrasjen e gjyqtarit Skredilajd Konomi. Qindra banorë të Vlorës kanë nisur pak minuta më parë një marshim të heshtur në qendër të qytetit. Ata kanë vendosur lule në vendin, ku një javë më parë u vra me një atentat me eksploziv gjyqtari Konomi. Marshimi do të zhvillohet përgjatë sheshit qendror. Qytetarët dhe familjarët mbajnë në duar parulla ku kërkojnë zbardhjen e krimit makabër dhe foto të gjyqtarit. “Bashkë kundër krimit”, është motoja e kësaj proteste paqësore qytetare. Skerdilajd Konomi u vra të premten e kaluar në qendër të qytetit të Vlorës, me një atentat të tipit mafioz. Në foto: Skedrilajd Konomi a.k/NOA
