Moskë, 18 shtator 2011, NOA - Manjati rus i mediave Aleksandër Lebedev është bërë protagonist i një gjesti të shëmtuar gjatë një emisioni televiziv, në të cilin po diskutohej për situatën ekonomike në Rusi. Lebedev ka goditur me grushta njërin prej të ftuarve të panelit. Bëhet fjalë për afaristin e njohur rus Sergei Polonski, i cili është rrëzuar nga karrigia pasi u qëllua dy herë nga Lebedev. Menjëherë pas këtij incidenti, Polonski bëri të ditur se do të padisë në gjykatë manjatin rus të mediave për dhunën e ushtruar ndaj tij. Lebedev, ish-agjent i KGB-së ka në pronësi të tij të përditshmet britanike “Independent” dhe “Evening Standard”, ndërsa ka aksione edhe në gazetën “Novaya Gazeta”. mit/NOA
Foto nga videoja e shfaqur Live në Sky News
