Vlorë, 18 shtator, NOA – Një person është arrestuar nga Policia e Vlorës, pasi ka tentuar të vrasë me armë zjarri një 20-vjeçar. Ngjarja ka ndodhur në fshatin Borsh të rrethit Sarandë, dy ditë më parë. Autori i tentativës për vrasje është Besjan Petro Limaj, 25 vjeç, banues në fshatin Kaninë Vlorë. Mësohet se Limaj, pas një konflikti me pronarin e një lokali në Borsh, personin me inicialet K. H., 20 vjeç, që qëlluar me armë në drejtim të vendit ku ndodhej ky i fundit në lokal. Pas ndalimit që ju bë dje nga policia, ndaj Limajt ka nisur procedimi penal. a.k/NOA
