Tiranë, 23 shtator 2011, NOA – Një ditë pasi në Kuvend dështoi votimi i 6 ligjeve që kërkonin 84 vota, selia e PS-së është vizituar nga ambasadori i OSBE-së në Tiranë Eugen Wollfarth. Diplomati është pritur nga kryesocialisti Rama dhe në takimin, i cili po zhvillohet edhe ne këto momente, mendohet që në qendër të diskutimeve të jetë situata politike në vend dhe qëndrimi i opozitës për reformën zgjedhore. Ditën e djeshme, gjatë seancës plenare, maxhoranca akuzoi opozitën se po përdorë praktika bllokuese të qëllimshme për integrimin, ndërsa opozita ftoi maxhorancën që të tërheqë ligjet dhe të fillojnë menjëherë me dialogun, duke nisur me ndryshimin e rregullores së Kuvendit. a.q/NOA
