Zelandë, 24 shtator, NOA – Një tjetër artikull vlerësues, për turizmin në Shqipëri, është duke qarkulluar në mediat e njohura të huaja, me titullin “Riviera e Shqipërisë, viktimë e suksesit të saj”.
I shkruar nga Birgit Ulrich, për "New Zeland Herald", ai përmend fillimisht faktin sesi Shqipëria u rendit si destinacion më i lartë në botë për t'u vizituar në vitin 2011, nga “Lonely Planet”.
Por ai vë në dukje edhe kritikën për ndërtimet e paligjshme, të cilat të bëra nga mania për të patur sa më shumë ndërtime në dispozicion të pushuesve, po ia humbasin bukurinë rivierës shqiptare.
“Pjesa më e madhe e vizitorëve vijnë nga shtetet fqinje Kosova, Maqedonia dhe Mali i Zi, por ka edhe një numër të konsiderueshëm të grekëve apo italianëve, që vijnë në plazhet shqiptare gjatë muajve të verës”, vijon më tej ai. Si pasojë e bumit turistik në vazhdim, pothuajse çdo centimetër e bregdetit në mes të Vlorës dhe Himarës është e mbuluar nga blloqe të shëmtuara betoni.
Duke folur më pas për Sarandën, artikulli citon sesi dikur ajo ishte një goxha vend peshkimi, por popullsia e saj tani ka arritur në rreth 30.000.
"Shumë hotele nuk janë rezervuar nga turistët, por do të vijë një ditë për këtë", thotë një inxhinier ndërtimi, i cili aktualisht është duke përfunduar një pallat me një pishinë në bregdet.
Ndërsa ndërtimi i tij ka marrë lejen e nevojshme e planifikimit, shumë të tjerë në mënyrë të paskrupullt, thjesht kanë filluar ndërtimin, pa marrjen e miratimit zyrtar.
Megjithatë, kur zyrtarët janë të informuar në fund të hoteleve të paligjshme, ndërtesat janë prishur duke rezultuar në rrënoja të panumërta ndërtimesh të shëmtuara që i duken si dhëmbëza peizazhit bregdetar, njësoj si dhëmbët e kalbur në një gojë të shëndetshme.
Pavarësisht nga pasojat e mundshme, shumë sipërmarrës vazhdojmë të ndërtojmë pa marrë miratimin paraprak të planifikimit.
Më pas, artikulli i referohet zonës së Radhimës në Vlorë, ku disa të rinj të biznesit janë përpjekur për të shpëtuar atë që ende mund të shpëtohet. n.e/NOA
